منــــــــــــــتدى ليـــــــــــــــــــــالي

منــــــــــــــتدى ليـــــــــــــــــــــالي

منتدى ﻧﺴﺎﺋﻲ ﻳﻬﺘﻢ ﺑﺸﺌﻮﻥ ﺍﻟﻤﺮﺃﺓ ﺍﻟﻌﺮﺑﻴﺔ ﺑﺸﻜﻞ ﻋﺎﻡ ﻭﺍﻟﻤﺮﺃﺓ ﺍﻟﺴﻮﺩﺍﻧﻴﺔ ﺑﺸﻜﻞ ﺧﺎﺹ ﻭﻳﻐﻄﻲ ﻛﺎﻓﺔ ﺇﺣﺘﻴﺎﺟﺎﺗﻬﺎ ﻣﻦ ﻧﺎﺣﻴﺔ ﺍﻟﺜﻘﺎﻓﺔ ﻭﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﻭﺍﻟﺘﻮﻋﻴﺔ ﺍﻟﺼﺤﻴﺔ


    الحلم كذبة عقل تحتاج تصديق

    شاطر
    avatar
    الـغــريبــة

    عدد المساهمات : 2
    تاريخ التسجيل : 24/01/2014

    الحلم كذبة عقل تحتاج تصديق

    مُساهمة من طرف الـغــريبــة في الجمعة يناير 24, 2014 3:04 am

    ناموا وصاح الحلم في داخلي فيق

    مايلمس اهدابي مغمض عيونه

    من يومها وانا ونوم المخاليق

    اما يخون الجفن ولا يخونه

    الحلم كذبه عقل تحتاج تصديق

    حتى تكون اللي تمنى تكونه

    واللي يقول ان الخيالات تلفيق

    مشكلْته انْها ماتعدت متونه

    اقسم وانا اللي ناجي من فم الضيق

    انها منابع كاف عمرك ونونه

    للعزم تركيبه وللعين تشويق

    للساق ساق وللحنايا مؤونه

    تاخذك حتى من على القمه تويق

    وتقول هبتي ياسفوح المهونه

    وش قيمة الاشجار من دون توريق

    وش قيمة الانسان لولا جنونه

    الطرق يفتح لك جميع المغاليق

    والمجد ما يخضع لطيب وليونه

    تصنع من اللا شي كل شي وتليق

    في معدن الانسان شكله ولونه

    جاهد وكافح وانزل المعركه طيق

    اللي عجز غيرك تطيقه متونه

    خط اسمك بجيد المهمات تعليق

    واللي اضحكوا بكره يبي يحفظونه

    من لا نشف من لفحة ايامه الريق

    مايرتوي لاهل غيره مزونه

    ولا الأماني مالها صوت تحقيق

    اليا تنامت باليدين الحنونه


    اللي قضى الايام للناس تصفيق

    يايقتله الابهام ولا سنونه

    الكون نام وراسي الساهر ابريق

    يسكب من ايامه وتظما جفونه

    والليل شباك الامل للمعاليق

    لو حالت العتمات دونك ودونه

    لو ما نتاج الليل خلد ونماريق

    ماكان ابو القاسم بكى في سكونه

    مما رآق لي

      الوقت/التاريخ الآن هو الخميس ديسمبر 14, 2017 10:33 pm